گلستان جوہر میں جیو نیوز کی ٹیم پر حملے کا مقدمہ درج کرلیا گیا

کراچی کے علاقےگلستان جوہر میں جیو نیوز کی ٹیم پر حملے کا مقدمہ درج کرلیا گیا تاہم اب تک کوئی گرفتاری عمل میں نہ آسکی۔

تجاوزات کے خلاف جاری آپریشن کے دوسرے روز کوریج کیلئے پہنچنے والی جیو نیو کی ٹیم پر مظاہرین نے حملہ کردیا تھا۔ مظاہرین نے جیو نیوز کے کیمرامین اور رپورٹر کو شدید تشدد کا نشانہ بنایا۔

گلستان جوہر میں جاری تجاوزات کے آپریشن کی کوریج کیلئے پہنچنے والی جیو نیوز کی ٹیم پر مشتعل مظاہرین نے حملہ کردیا۔

کراچی کے علاقے گلستان جوہر میں جیو نیوز کی ٹیم پر قبضہ مافیا نے حملہ کردیا۔

واقعے کا مقدمہ سرکار کی مدعیت میں گلستان جوہر تھانے میں درج کرلیا گیا ہے، مقدمے میں چھینا جھپٹی، تشدد، روڈ بلاک کرنے اور کار سرکار میں مداخلت کی دفعات شامل ہیں۔

مقدمے کے متن کے مطابق کوریج کے دوران 25 سے 30 نامعلوم ملزمان نے جیو نیوز کی ٹیم پر حملہ کیا۔ ملزمان نے جیو نیوز کے رپورٹر کاشف مشتاق کو تشدد کا نشانہ بنایا جبکہ جیو نیوز کےکیمرامین ذیشان اقبال پر شدید تشدد کیا گیا اور موبائل فون چھینا گیا۔

کراچی یونین آف جرنلسٹس، سکھر یونین آف جرنلسٹس اور ایبٹ آباد یونین آف جرنلسٹس نے واقعے کی شدید مذمت کرتے ہوئے ملزمان کی گرفتاری کا مطالبہ کیا ہے۔

بشکریہ جنگ