گریٹر اقبال پارک واقعہ، ریمبو کی ضمانت منظور

لاہور ہائیکورٹ نے مینار پاکستان میں دست درازی کا نشانہ بننے والی خاتون کو بلیک میل کرنے کے الزام میں گرفتار اسی کے ساتھی عامر سہیل عرف ریمبو کی ضمانت منظور کر لی۔

جسٹس شہرام سرور چوہدری نے ملزم عامر سہیل عرف ریمبو کی ضمانت پر رہائی کی درخواست پر سماعت کی۔

عدالت نے ریمبو کو رہائی کے لیے ایک لاکھ روپے کے مچلکے جمع کرانے کی ہدایت کی، ریمبو کو تھانہ لاری اڈہ پولیس نے گریٹر اقبال پارک واقعہ میں متاثرہ خاتون کو بلیک میل کرنے کے الزام میں گرفتار کیا تھا، پولیس نے تفتیش مکمل کر کے ریمبو کو جیل بھجوا دیا۔

ریمبو کے وکیل نے عدالت میں موقف اختیار کیا کہ ریمبو پر بلیک میل کرنے کا الزام بے بنیاد اور جھوٹا ہے، ریمبو نے خاتون کو ہجوم سے بچایا تھا، کیس کے حتمی فیصلے تک اسے جیل میں قید نہیں رکھا جا سکتا۔

بشکریہ جنگ