ہفتہ 12؍ربیع الثانی 1445ھ28؍اکتوبر 2023ء

گرفتاریوں کے باوجود کل کے غزہ مارچ کی بھرپور تیاری ہے، سراج الحق

امیر جماعت اسلامی پاکستان سراج الحق نے کہا ہے کہ کارکنوں کی گرفتاریوں کے باوجود کل کے غزہ مارچ کی بھرپور تیاری ہے۔

اسلام آباد میں پریس کانفرنس کرتے ہوئے سراج الحق نے کہا کہ غزہ مارچ کےلیے انتظامیہ سے بات کی، کل کے غزہ مارچ کےلیے ہماری بھرپور تیاری ہے، آج اچانک ہمارے کارکنوں کو گرفتار کرنا شروع کر دیا گیا۔

اسرائیلی فوج کی جانب سے شمالی غزہ میں 150 اہداف کو نشانہ بنانے اور حماس کے فضائی آپریشن کے سربراہ اور کئی کارکنوں کو شہید کرنے کا دعویٰ بھی کیا گیا ہے۔

امیر جماعت اسلامی نے مزید کہا کہ مظلوم فلسطینیوں سے یکجہتی کے لیے کل اسرائیل کے خلاف احتجاج کی کال دے رکھی ہے۔

اُن کا کہنا تھا کہ ہم پُرامن لوگ ہیں مگر حکومت تشدد پر اتر آئی ہے، کل ہمارے مارچ میں خواتین بھی بڑی تعداد میں شریک ہوں گی۔

سراج الحق نے یہ بھی کہا کہ اپنے گرفتار کارکنوں کی رہائی کا مطالبہ نہیں کرتے مگر مارچ ہر صورت ہوگا۔

انہوں نے کہا کہ فلسطین میں مواصلات کا نظام مکمل طور پر بند ہے، وہاں خوراک پہنچانے کا کوئی راستہ نہیں۔

اس دردناک ویڈیو میں اسٹریچر کے ساتھ موجود رضا کار چلتے ہوئے بھی روتے جارہے ہیں۔

امیر جماعت اسلامی نے کہا کہ اقوام متحدہ (یو این) کے سیکریٹری جنرل کو فلسطین کے حق میں بیان دینے پر سلام پیش کرتا ہوں۔

انہوں نے کہا کہ اقوام متحدہ کے اجلاس کے بعد اسرائیل نے زمینی حملہ شروع کر دیا، اسرائیل کی جانب سے متعدد اسپتالوں کو نشانہ بنایا گیا۔

سراج الحق نے کہا کہ 20 دنوں سے غزہ جلتا رہا لیکن اقوام متحدہ نے اجلاس تک نہیں بلایا، 21 ویں دن اجلاس بلایا گیا لیکن کوئی نتیجہ سامنے نہیں آیا۔

بشکریہ جنگ
You might also like

Comments are closed.