گاڑی سے ٹکر لگنے پر سابق چیف جسٹس کے خلاف مقدمے کی درخواست
سابق چیف جسٹس کی گاڑی سے موٹر سائیکل سوار کو ٹکر لگنے کے معاملے پر موٹر سائیکل سوار کے والد نے مقدمے کی درخواست دے دی۔
موٹرسائیکل سوار کے والد نے مقدمے کے اندراج کے لیے تھانہ آبپارہ میں درخواست جمع کروادی ہے۔
درخواست گزار کا کہنا ہے کہ کشمیر ہائی وے اسپورٹس کمپلیکس کےقریب میرا بیٹا موٹر سائیکل پر گزر رہا تھا، سابق چیف جسٹس افتخار چوہدری کی گاڑی نے میرے بیٹے کی موٹرسائیکل کو ٹکر ماری۔
درخواست گزار نے کہا کہ سابق چیف جسٹس کے گارڈ نے میرے بیٹے پر تشدد کیا، جبکہ سابق چیف جسٹس فرار ہوگئے۔
متاثرہ شخص کے والد نے کہا کہ حادثے میں میرے بیٹے کے پاؤں کی ہڈی ٹوٹ گئی، جس سے میرا بیٹا معذور ہوگیا، سابق چیف جسٹس افتخارچوہدری کے خلاف مقدمہ درج کیا جائے۔
بشکریہ جنگ
Comments are closed.