کےالیکٹرک KMC کیلئےٹیکس لینےپر رضا مند

ملک کے سب سے بڑے شہر کراچی کو بجلی فراہم کرنے والا ادارہ کے الیکٹرک بلدیہ عظمیٰ کراچی (کے ایم سی) کے لیے ٹیکس اکٹھا کرنے پر رضا مند ہو گیا ہے۔

کراچی کے شہریوں سے مزید 9 ارب روپے ٹیکس وصول کرنے کی منصوبہ بندی کر لی گئی، شہریوں سے فائر ٹیکس اور کنزروینسی ٹیکس بجلی کے بل کے ذریعے لیا جائے گا۔

اس ضمن میں میٹرو پولیٹن کمشنر کراچی افضل زیدی نے سندھ حکومت کے محکمۂ توانائی کو خط لکھ دیا ہے جس میں کہا گیا ہے کہ اس سلسلے میں نیپرا سے اجازت لینے کے لیے سندھ حکومت وفاق سے درخواست کرے۔

محکمۂ توانائی سندھ کو لکھے گئے خط میں مزید کہا گیا ہے کہ بلدیہ عظمیٰ کراچی (کے ایم سی) 2008ء سے میونسپل یوٹیلٹی ٹیکس لے رہی ہے۔

کے الیکٹرک کے بل میں کے ایم سی کے ٹیکس کی کلیکشن سے وفاق نے صاف انکار کر دیا۔

میٹرو پولیٹن کمشنر کراچی افضل زیدی کے سندھ حکومت کے محکمۂ توانائی کو لکھے گئے خط میں یہ بھی کہا گیا ہے کہ کےایم سی تھرڈ پارٹی کے ذریعے ٹیکس اکٹھا کر سکتی ہے۔

بشکریہ جنگ