کےالیکٹرک صارفین کیلئے بجلی 58 پیسے فی یونٹ مہنگی

نیشنل الیکٹرک پاور ریگولیٹری اتھارٹی ( نیپرا) نے کےالیکٹرک صارفین کےلیے بجلی کی قیمت میں 58 پیسے فی یونٹ کا اضافہ کردیا۔

نیپرا نے بجلی قیمت میں اضافے کا نوٹیفکیشن جاری کردیا، جس کے مطابق قیمت میں اضافہ فروری کی فیول پرائس ایڈجسٹمنٹ کی مد میں کیا گیا ہے۔

نوٹیفکیشن کے مطابق بجلی فروری کی فیول پرائس ایڈجسٹمنٹ کی مد میں مہنگی کی گئی ہے، اطلاق اپریل کے بجلی بلوں میں ہو گا۔

نیپرا اعلامیے کے مطابق کےالیکٹرک نے 1 روپے 66 پیسے فی یونٹ اضافے کی درخواست کی تھی۔

اعلامیے کے مطابق اتھارٹی نے 30 مارچ 2023ء کو ایف سی اے پر عوامی سماعت کی تھی، اس سے قبل جنوری کا ایف سی اے صارفین سے 1روپے 71 پیسے چارج کیا گیا تھا۔

نوٹیفکیشن کے مطابق اطلاق کےالیکٹرک کےتمام صارفین ماسوائے لائف لائن اور الیکٹرک وہیکل چارجنگ اسٹیشنز پر ہوگا۔

بشکریہ جنگ