کیٹ مڈلٹن نے دورۂ ڈنمارک پر اپنے بچپن کی یادیں تازہ کرلیں
ڈچز آف کیمبرج، شہزادی کیتھرین مڈلٹن نے جوکہ آج کل ڈنمارک کے دورے پر ہیں، انہوں نے ڈنمارک میں اپنے بچپن کی یادوں کو تازہ کرلیا۔
کیٹ مڈلٹن نے اپنے آفیشل ٹوئٹر اکاؤنٹ پر ڈنمارک سے اپنی ایک ویڈیو شیئر کی ہے۔
اس ویڈیو میں کیٹ مڈلٹن کو سلائیڈ لیتے اور لطف اندوز ہوتے ہوئے دیکھا جاسکتا ہے۔
اُنہوں نے اپنی یہ ویڈیو شیئر کرتے ہوئے لکھا کہ’پلے لیب میں ایک دلچسپ سبق‘۔
مستقبل کی ملکہ برطانیہ کی سلائیڈ ویڈیو سوشل میڈیا پر وائرل ہو گئی ہے اور مداحوں کی جانب سے بہت پسند کی جارہی ہے۔
خیال رہے کہ کیٹ مڈلٹن اپنے رائل فاؤنڈیشن سنٹر فار ارلی چائلڈ ہڈ کے ساتھ بچوں کے حوالے سے اُٹھائے گئے اپنے اقدامات کو فروغ دینے اور اس حوالے سے ڈنمارک کے طریقہ کار کے بارے میں جاننے کے لیے ڈنمارک گئی تھیں۔
بشکریہ جنگ
Comments are closed.