کین ڈول کا انسٹاگرام پر چھوٹے بچوں کا اکاؤنٹ بنانیوالی ماؤں کو مشورہ

عدنان ظفر عرف پاکستانی کین ڈول نے انسٹا گرام پر اپنے چھوٹے بچوں کا اکاؤنٹ بنانے والی ماؤں کو مشورہ دیا ہے۔

کین ڈول نے فوٹو اینڈ ویڈیو شیئرنگ ایپ انسٹاگرام پر اپنی ایک نئی ویڈیو شیئر کی ہے۔

اُنہوں نے اس ویڈیو میں کہا ہے کہ ایک اہم ذہنی بیماری جس کے بارے میں دنیا کی کوئی سائنس بات نہیں کر رہی وہ یہ ہے کہ اپنے بچے کا خود انسٹاگرام اکاؤنٹ بنانا اور پھر اسی اکاؤنٹ سے بچہ بن کر لوگوں کی پوسٹس پر کمنٹ کرنا۔

عدنان ظفر نے کہا ہے کہ ایسی خواتین جو وقت اپنے بچوں کا انسٹاگرام اکاؤنٹ بنانے میں ضائع کرتی ہیں وہی وقت اگر بچے کی پرورش کرنے میں لگائیں تو وہ 13 سال کا ہو کر اپنا انسٹاگرام اکاؤنٹ خود بنا لے گا۔

اُنہوں نے یہ بھی کہا کہ اگر مائیں بچوں کی اچھی پرورش کریں گی تو وہ بچے بڑے ہو کر ماؤں کے شکر گزار بھی ہوں گے۔

شوبز انڈسٹری کی نامور شخصیات سمیت سوشل میڈیا صارفین کی جانب سے اس ویڈیو کو بہت پسند کیا جا رہا ہے۔

بشکریہ جنگ