کیمرون گرین نسیم شاہ کے معترف، اپنی سنچری نہ ہونے پر افسرہ

آسٹریلیا کی ٹیم کے بیٹر کیمرون گرین نے نوجوان پاکستانی فاسٹ بولر نسیم شاہ کی گیند بازی کی تعریف کردی، لیکن اپنی سنچری نہ ہونے پر افسردہ ہیں۔ 

کیمرون گرین نے کہا کہ نسیم شاہ نے اچھی بولنگ کی، انہوں نے پرانے گیند کا استعمال بھی اچھا کیا۔

لاہور کے قذافی اسٹیڈیم میں پاکستان اور آسٹریلیا کے درمیان جاری ٹیسٹ سیریز کے آخری ٹیسٹ میں دوسرے دن کا کھیل جاری ہے۔

آسٹریلوی بلے باز کا کہنا تھا کہ لمبی پارٹنرشپ کی کوشش کی، تاہم میرا آؤٹ ہونا بدقسمتی ہے۔

انہوں نے کہا کہ برصغیر کی کنڈیشنز کے مطابق کھیلنا سیکھ رہا ہوں، یہاں وکٹ پر ٹھہرنا پڑتا ہے، کم باؤنس ملتا ہے۔ 

کیمرون گرین کا کہنا تھا کہ 100 کے قریب کوئی آؤٹ ہونا نہیں چاہتا بدقسمتی رہی کہ میں مزید نہیں کھیل سکا۔

انہوں نے یہ بھی کہا کہ ٹیسٹ کرکٹ میں سنچری کی اپنی اہمیت ہوتی ہے، سنچری کریں تو یہ ہمیشہ یاد رہتی ہے۔

بشکریہ جنگ