کیربیئن لیگ میں پاکستان کے صائم ایوب کی شاندار بیٹنگ

پاکستان کے صائم ایوب نے کیربیئن پریمیئر لیگ (سی پی ایل) میں شاندار بیٹنگ کا مظاہرہ کیا۔

 گیانا ایمیزون واریئرز کی جانب سے کھیلتے ہوئے صائم ایوب نے جمیکا تھلاواز کے خلاف نصف سنچری بنائی۔

صائم ایوب 53 گیندوں پر 85 رنز بناکر مین آف دی میچ قرار پائے، ان کی اننگز میں 5 چھکے اور 5 چوکے شامل تھے، یہ سی پی ایل میں ان کی مسلسل تیسری ففٹی ہے۔

اعظم خان اس قبل سی پی ایل میں بارباڈوس رائلز کا حصہ رہ چکے ہیں ۔

پاکستانی بیٹر صائم ایوب نے اس سے قبل بارباڈوس رائلز اور ٹرنباگو نائٹ رائیڈرز کے خلاف بھی ففٹیاں اسکور کی تھیں۔

مسلسل تین ففٹیز کے بعد صائم ایوب سی پی ایل کے ٹاپ اسکورر بن گئے ہیں، 21 سالہ کرکٹر نے ٹورنامنٹ کی 7 اننگز میں 288 رنز بنائے ہیں۔

بشکریہ جنگ