کیا ن لیگ کا مہنگائی مارچ دھرنے میں تبدیل ہوگا؟
کیا پاکستان مسلم لیگ (ن) کا مہنگائی مارچ اسلام آباد پہنچ کر ختم ہوجائے گا یا دھرنے میں تبدیل ہوگا؟
اپوزیشن لیڈر پنجاب اسمبلی حمزہ شہباز نے جیو نیوز کے پروگرام ’آپس کی بات‘ میں گفتگو کرتے ہوئے ن لیگی حکمت عملی بتادی۔
انہوں نے کہا کہ احتجاج ہمارا حق ہے، ہم کسی سے نہیں ڈریں گے، ہم جی ٹی روڈ سے قافلے لے کر راولپنڈی جائیں گے اور عوامی جلسہ کریں گے۔
حمزہ شہباز نے مزید کہا کہ ملک خلفشار اور تصادم کا متحمل نہیں ہوسکتا ہے، ن لیگ پُرامن جماعت ہے، ہم 126 دن کا دھرنا نہیں دیں گے۔
اُن کا کہنا تھا کہ جہانگیر ترین گروپ نے گرمجوشی سے استقبال کیا، ہمارے درمیان ذہنی ہم آہنگی ہے، تحریک عدم اعتماد کی صورت میں سارے گروپ ہمارا ساتھ دیں گے۔
ن لیگی نائب صدر نے یہ بھی کہا کہ عدم اعتماد کامیاب ہونے پر تمام منحرف اراکین مستعفی ہوں گے، پی ٹی آئی کے منحرف اراکین کے ساتھ سیٹ ایڈجسٹمنٹ ہوسکتی ہے۔
انہوں نے کہا کہ مقصود چپڑاسی کے اکاؤنٹ میں آنے والے پیسے دراصل بزنس ٹرانزیکشنز ہیں، وقت آنے پر یہ تمام کیس کوڑے کے ڈھیر ثابت ہوں گے۔
Comments are closed.