کیا میچ کے دوران سرفراز احمد واقعی اپنی اہلیہ کو دیکھ رہے تھے؟

کراچی میں نیوزی لینڈ کے خلاف ٹیسٹ میچ میں بیٹنگ کے دوران دوسرے اینڈ پر موجود سرفراز احمد کی ایک ویڈیو سوشل میڈیا پر وائرل ہورہی ہے۔

ویڈیو میں دیکھا جاسکتا ہے کہ ڈیرل مچل گیند کراتے ہوئے رک جاتے ہیں کیونکہ سرفراز کا دھیان میچ اور پچ پر نہیں بلکہ اسٹیڈیم کی اسکرین پر ہوتا ہے۔

سوشل میڈیا پر سامنے آنے والی ویڈیو سے متعلق کہا جارہا ہے کہ اسٹیڈیم کی اسکرین پر اس وقت سرفراز احمد کی اہلیہ کو دکھایا جارہا تھا جس کے بعد وہ بھی اسکرین پر ہی دیکھ رہے تھے۔

اب اس ویڈیو پر سرفراز احمد کی اہلیہ خوشبخت سرفراز نے بھی اپنا ردعمل دیا ہے۔

انہوں نے ویڈیو پر ایک ایموجی کا استعمال کیا ہے۔

یاد رہے کہ سرفراز احمد کو نیوزی لینڈ کے خلاف 2 ٹیسٹ میچز کی سیریز کے اختتام پر سیریز کے بہترین کھلاڑی کا ایوارڈ دیا گیا تھا۔

بشکریہ جنگ