کیا صرف ایک گاڑی پر بارش ہوسکتی ہے؟

انڈونیشیا میں کئی گاڑیوں کے درمیان صرف ایک گاڑی پر بارش ہونے کی  عجیب و غریب ویڈیو سوشل میڈیا پر وائرل ہوگئی ہے۔

غیر ملکی خبر رساں ادارے کی جانب سے سوشل میڈیا پر انڈونیشیا کی ایک ویڈیو شیئر کی گئی ہے جو کہ کسی پارکنگ ایریا میں بنائی گئی۔

ویڈیو میں دیکھا جاسکتا ہے کہ پارکنگ ایریا میں کئی گاڑیاں موجود ہیں لیکن آسمان سے صرف ایک گاڑی پر بارش ہورہی ہے۔ 

میڈیا رپورٹس کے مطابق ویڈیو بنانے والے شخص نے کہا کہ اُنہوں نے پہلے اسے مذاق سمجھا لیکن بعد میں جب اُنہوں نے آسمان کی طرف غور کیا تو اُنہیں انداز ہوا کہ صرف اُس بادل سے بارش ہورہی ہے جو گاڑی کے اوپر موجود ہے۔

واضح رہے کہ یہ پہلا موقع نہیں ہے کہ انڈونیشیا میں ایسا واقعہ پیش آیا ہو۔ 2017 میں بھی یہاں ایسا ہی عجیب و غریب واقعہ دیکھنے کو ملا تھا کہ جب صرف ایک گھر پر بارش ہو رہی تھی۔

بشکریہ جنگ