کوشش ہے مذاکرات کا عمل پیر سے پہلے مکمل ہو، علی ظفر

پاکستان تحریک انصاف (پی ٹی آئی) کی مذاکراتی ٹیم کے رکن سینیٹر بیرسٹر علی ظفر نے کہا ہے کہ کوشش ہے کہ حکومت کے ساتھ مذاکرات کا عمل پیر سے پہلے مکمل ہوجائے۔

جیو نیوز کے پروگرام ’کیپٹل ٹاک‘ میں گفتگو کرتے ہوئے بیرسٹر علی ظفر نے کہا کہ مذاکرات کی پہلی نشست اچھے اور خوشگوار ماحول میں ہوئی، کوشش ہے کہ مسئلے کا اچھا حل ڈھونڈا جائے۔

ذرائع کا کہنا ہے کہ پی ٹی آئی کی جانب سے رکھی گئی تیسری شرط میں کہا گیا کہ رواں سال جولائی میں ملک بھر میں انتخابات کروائے جائیں۔

بیرسٹر علی ظفر نے کہا کہ ملاقات کا ایک پوائنٹ ایجنڈا الیکشن تھا، آج کی نشست میں ایک دوسرے کا موقف سمجھا ہے۔

واضح رہے کہ حکومت اور پی ٹی آئی کے درمیان مذاکرات چیئرمین سینیٹ کے چیمبر میں ملاقات ہوئی، پاکستان تحریک انصاف کے وفد میں شاہ محمود قریشی، فواد چوہدری اور علی ظفر شامل تھے۔

پی ٹی آئی وفد نے انتخابات سے متعلق ایک نکاتی ایجنڈے پر ملاقات کی۔

حکومتی وفد میں اسحاق ڈار، اعظم نذیر تارڑ، سعد رفیق، یوسف رضا گیلانی، نوید قمر، کشور زہرا شامل تھیں۔

بشکریہ جنگ