کوریا کی خاتون کو ہراساں کرنے والا بھارتی گرفتار

بھارت کے شہر پونے میں جنوبی کوریا سے تعلق رکھنے والی سیاح خاتون کو ہراساں کرنے والے شہری کو گرفتار کرلیا گیا۔

بھارتی میڈیا کے مطابق ملزم کی حرکات ویڈیو میں ریکارڈ ہونے کے بعد سوشل میڈیا پر وائرل ہوگئی تھیں جس کے بعد اس کے خلاف لوگ غصے کا اظہار بھی کر رہے تھے۔

بھارتی میڈیا کے مطابق خاتون کو وی لاگ بنانے کے دوران نومبر میں ہراساں کیا گیا تھا اور اس دوران اس کے ساتھ چھیڑ چھاڑ اور اسے بار بار پکڑنے کی کوشش بھی کی گئی تھی۔

بھارتی میڈیا کے مطابق گزشتہ سال ممبئی میں بھی اسی قسم کا واقعہ پیش آیا تھا، یہاں بھی جنوبی کوریا سے تعلق رکھنے والی خاتون کو ہراساں کیا گیا تھا اور اس میں ملوث 2 ملزمان کو گرفتار کیا گیا تھا۔

بشکریہ جنگ