کورونا کیسز کی شرح تمام شہروں میں 10 فیصد سے کم

ملک بھر میں کورونا وائرس کے مثبت کیسز کی شرح تمام شہروں میں 10 فیصد سے کم ہو گئی۔

ڈی جی وزارتِ نیشنل ہیلتھ سروسزراناصفدر کے مطابق گلگت میں گزشتہ 24 گھنٹوں کے دوران کورونا وائرس مثبت کیسز کی شرح سب سے زیادہ 6 اعشاریہ 25 فیصد ریکارڈ ہوئی۔

مظفر آباد میں کورونا وائرس کے مثبت کیسز کی شرح 6 اعشاریہ 19 فیصد اور حیدر آباد میں 4 اعشاریہ 68 فیصد رہی۔

پاکستان میں پانچویں لہر کے دوران کورونا وائرس کے کیسز میں مسلسل کمی آ رہی ہے، ملک کورونا مریضوں کے حوالے سے مرتب کی گئی فہرست میں 46 ویں نمبر پر ہے، گزشتہ 24 گھنٹوں کے دوران کیسز کی شرح 2 اعشاریہ 23 فیصد ریکارڈ کی گئی، جبکہ مزید 22 کورونا مریض زندگی کی بازی ہار گئے۔

پشاور میں کورونا وائرس کے مثبت کیسز کی شرح 4 اعشاریہ 57 فیصد جبکہ کراچی میں 4 اعشاریہ 21 فیصد ریکارڈ ہوئی۔

ڈی جی وزارتِ نیشنل ہیلتھ سروسز نے بتایا ہے کہ لاہور میں کورونا وائرس کے مثبت کیسز کی شرح 2 اعشاریہ 57 فیصد اور کوئٹہ میں 1 اعشاریہ 80 فیصدریکارڈ کی گئی ہے۔

ان کا یہ بھی کہنا ہے کہ وفاقی دارالحکومت اسلام آباد میں گزشتہ 24 گھنٹوں کے دوران کورونا وائرس کے مثبت کیسز کی شرح 1 اعشاریہ 47 فیصد رہی ہے۔

بشکریہ جنگ