کوئٹہ دھماکے کی سی سی ٹی وی فوٹیج منظر عام پر آگئی

کوئٹہ کے علاقے سریاب روڈ دھماکے کی سی سی ٹی وی فوٹیج منظر عام پر آگئی۔

سریاب روڈ دھماکے کی سی سی ٹی وی فوٹیج میں فٹ پاتھ کے ساتھ موٹر سائیکل میں نصب دھماکا خیز مواد پھٹتے ہوئے دیکھا جا سکتا ہے۔

پولیس کے مطابق دھماکےمیں پولیس کی گاڑی کو نشانہ بنایا گیا، زخمیوں کو سول اسپتال منتقل کردیا گیا۔

سی سی ٹی وی فوٹیج میں دھماکے کےبعد دھول اٹھتی ہے، اس دوران قریب کھڑے اور وہاں سے گزرتے ہوئے افراد کو بھاگتے ہوئے بھی دیکھا جاسکتا ہے۔

سریاب روڈ میں دھماکا پولیس کی گاڑی کے قریب ہوا، موٹر سائیکل میں نصب دھماکا خیز مواد کے دھماکے سے ایک پولیس اہلکار جاں بحق اور 13 پولیس اہلکاروں سمیت 16 افراد زخمی ہوئے۔

بشکریہ جنگ