کوئٹہ، ہندو کمیونٹی کی پاکستان کرکٹ ٹیم کیلئے خصوصی دعائیں

بلوچستان کے شہر کوئٹہ میں ہندو کمیونٹی کی جانب سے پاکستان کرکٹ ٹیم کے لیے خصوصی دعائیں کی گئیں۔

آریا سماج مندر میں قومی کرکٹ ٹیم کی جیت کے لیے ہندو کمیونٹی نے خصوصی دعائیں کی ہیں۔

ہندو برادری نے کہا ہے کہ امید کرتے ہیں قومی کرکٹ ٹیم میچ جیت کر قوم کو خوشیاں دے گی۔

پاکستان کرکٹ ٹیم کے کھلاڑیوں نے ویرات کوہلی اور روہت شرما کی تعریف کی ہے۔

واضح رہے کہ کرکٹ ورلڈ کپ کے سب سے ہائی وولٹیج ٹاکرے میں بھارت نے پاکستان کے خلاف ٹاس جیت کر پہلے بولنگ کا فیصلہ کیا ہے۔

پاکستان کی پلیئنگ الیون میں کپتان بابر اعظم، امام الحق، عبداللّٰہ شفیق، محمد رضوان، سعود شکیل، افتخار احمد، شاداب خان، محمد نواز، حسن علی، شاہین آفریدی اور حارث رؤف شامل ہیں۔

بشکریہ جنگ