کشمیریوں کے حقوق کیلئے ہمیشہ کوشاں رہوں گا، شاہد آفریدی

پاکستان کے اسٹار آل راؤنڈر شاہد آفریدی نے کہا ہے کہ کشمیر کاز اور کشمیریوں کے حقوق کے لیے ہمیشہ کوشاں رہوں گا۔

ان خیالات کا اظہار انہوں نے چیئرمین کشمیر پریمیئر لیگ (کے پی ایل) ارشد تنولی سے ملاقات کے دوران کیا۔ 

شاہد آفریدی نے کشمیر پریمیئر لیگ (کے پی ایل) کے دوسرے سیزن میں بھی لیگ کے برینڈ ایمبیسڈر رہنے کے عزم کا اظہار کیا۔ 

ان کا کہنا تھا کہ شاہد آفریدی کا کہنا تھا کہ کشمیر اور کشمیری عوام سے میرا دل کا رشتہ ہے، کشمیر کاز اور کشمیریوں کے حقوق کے لیے ہمیشہ کوشاں رہوں گا۔

شاہد آفریدی نے کہا کہ کشمیر پریمیئر لیگ کا پہلا سیزن انتہائی کامیاب رہا، کشمیر کاز میرے لیے بہت اہم ہے، اس کے لیے ہمیشہ صف اول میں رہنا چاہتا ہوں۔

اس موقع پر چیئرمین کے پی ایل ارشد خان تنولی نے کہا کہ ہم سب مل کر کشمیر پریمیئر لیگ کو کامیاب بناسکتے ہیں۔

بشکریہ جنگ