کرکٹ کو دنیا کا سب سے بڑا مسئلہ بنادیا گیا ہے، شیخ رشید

وفاقی وزیرِ داخلہ شیخ رشید نے کہا ہے کہ کرکٹ کو ایسا بنا دیا گیا ہے کہ یہ دنیا کا سب سے بڑا مسئلہ ہے۔

وزیرِ داخلہ شیخ رشید نے اپنے ایک بیان میں کہا ہے کہ خوابوں کی دنیا میں نہیں رہنا چاہیئے، نیوزی لینڈ کرکٹ ٹیم کے جانے بعد واضح ہوگیا تھا انگلینڈ کی ٹیم بھی نہیں آئے گی۔

وفاقی وزیر داخلہ شیخ رشید نے نیوزی لینڈ ٹیم کو تھریٹ الرٹ سے متعلق سوال اٹھا دیے اور کہا کہ تھریٹ الرٹ کا بتانے والے 5 ملک اس وقت کہاں تھے جب سیکیورٹی ماہرین دورہ کررہے تھے، چار دن سے ٹیم پریکٹس کررہی تھی، اتنی نیوزی لینڈ کے پاس فورسز نہیں ہیں جتنی انہیں سیکیورٹی دی تھی۔

اس سے قبل گزشتہ روز شیخ رشید کا اپنے ایک بیان میں کہنا تھا کہ نیوزی لینڈ ٹیم کو تھریٹ الرٹ کا بتانے والے 5 ممالک اس وقت کہاں تھے جب سیکیورٹی ماہرین دورہ کررہے تھے۔

انہوں نے کہا تھا کہ 4 دن سے ٹیم پریکٹس کر رہی تھی، اتنی نیوزی لینڈ کے پاس فورسز نہیں ہیں جتنی انہیں سیکیورٹی دی تھی۔

وفاقی وزیرِ داخلہ کا مزید کہنا تھا کہ شیشے کے گھر میں بیٹھ کر پتھر نہ ماریں، ایک دن آئے گا جب ساری ٹیمیں پاکستان میں کھیلنے آئیں گی۔

بشکریہ جنگ