کرکٹ ورلڈ کپ کے سیمی فائنل کیلئے میچ آفیشلز کا اعلان

انٹرنیشنل کرکٹ کونسل (آئی سی سی) نے ورلڈ کپ کے  سیمی فائنل کے لیے میچ آفیشلز کا اعلان کر دیا۔

آئی سی سی کے مطابق بھارت اور نیوزی لینڈ کے درمیان ہونے والے سیمی فائنل میں روڈ ٹکر اور رچرڈ النگورتھ فیلڈ امپائر جبکہ  اینڈریو پائیکرافٹ میچ ریفری ہوں گے۔

آسٹریلیا اور جنوبی افریقا کے دوسرے سیمی فائنل میں رچرڈ کیٹلبرو اور نتن مینن فیلڈ امپائر جبکہ کرس گفانے تھرڈ اور مائیکل گف فورتھ امپائر ہوں گے۔

جاواگل سری ناتھ آسٹریلیا اور جنوبی افریقا کے درمیان سیمی فائنل میں میچ ریفری ہوں گے۔

آئی سی سی کا کہنا ہے کہ ورلڈ کپ میں پاکستان کے امپائر احسن رضا نے بھی 50 ون ڈے میچز مکمل کر لیے، انگلینڈ اور نیدرلینڈز کے درمیان میچ احسن رضاکے کیریئر کا 50 واں میچ تھا۔

واضح رہے کہ بھارت اور نیوزی لینڈ کے درمیان پہلا سیمی فائنل 15 نومبر کو ممبئی میں جبکہ دوسرا سیمی فائنل آسٹریلیا اور جنوبی افریقا کے درمیان 16 نومبر کو کولکتہ میں کھیلا جائے گا۔

بشکریہ جنگ