کرکٹر افتخار احمد نے خود سے منسوب بیان کی تردید کردی

پاکستان کرکٹ ٹیم کے آل راؤنڈر افتخار احمد نے خود سے منسوب بیان کی تردید کردی۔

سوشل میڈیا ٹوئٹر (ایکس) پر ایک اکاؤنٹ سے افتخار احمد سے منسوب بیان لکھا گیا تھا کہ انہوں نے بھارت کے خلاف میچ کو آسان قرار دیا ہے۔

اس حوالے سے اب افتخار احمد نے سوشل میڈیا پر لکھا ہے کہ میں نے کبھی ایسا کوئی بیان نہیں دیا، کوئی پروفیشنل کرکٹر ایسا بیان نہیں دے گا۔

افتخار احمد نے درخواست بھی کی کہ غلط خبریں نہ پھیلائی جائیں۔

پاکستانی کرکٹر نے ایلون مسک سے اس اکاؤنٹ پر پابندی لگانے کی بھی درخواست کی ہے۔

بشکریہ جنگ