کرناٹک اسمبلی کے باہر احتجاج کرنے والے بی جے پی ارکان گرفتار

بھارتی ریاست کرناٹک کی اسمبلی سے بھارتیہ جنتا پارٹی (بی جے پی) ارکان کی معطلی کے خلاف اسمبلی کے باہر بی جے پی ارکان نے احتجاج کیا، سابق وزیراعلیٰ کرناٹک سمیت متعدد ارکان اسمبلی کو گرفتار کر لیا گیا۔

بھارتی میڈیا کے مطابق ہنگامہ آرائی کرنے پر بی جے پی کے 10 ارکان اسمبلی  کو اجلاس سے معطل کر دیا گیا تھا، معطلی کے خلاف بی جے پی ارکان نے اسمبلی کے باہر احتجاج کیا۔

مظاہرین کے خلاف کارروائی پر سابق وزیراعلیٰ کرناٹک بسو راج بومئی سمیت متعدد بی جے پی ارکان کو احتجاج کرنے پر گرفتار کر لیا گیا۔

بی جے پی ارکان نے پارلیمنٹ میں کھانے کاوقفہ نہ دینے پر ہنگامہ آرائی کی تھی اور ڈپٹی اسپیکر پر کاغذات پھینکے تھے۔

بشکریہ جنگ