کرسٹیانو رونالڈو کی گھڑی کا مانچسٹر یونائیٹڈ سے علیحدگی کا کیا تعلق ہے؟

پرتگال کے اسٹار فٹبالر کرسٹیانو رونالڈو نے گزشتہ روز انگلش کلب مانچسٹر یونائیٹڈسے راہیں جدا کرنے سے کچھ دیر پہلے سوشل میڈیا اکاؤنٹس پر اپنی تصاویر شیئر کی تھیں۔

غیرملکی میڈیا کے مطابق کرسٹیانو رونالڈ نے انسٹاگرام پر گزشتہ روز گھڑیاں بنانے والے ایک مشہور برانڈ کے ساتھ جڑنے سے متعلق پوسٹ کی۔

اسٹار فٹبالر نے انسٹاگرام پر گھڑی پہنے ہوئے اور اس کی چند تصاویر شیئر کیں۔

رپورٹس کے مطابق رونالڈو کی جانب سے پہنی اور شیئر کی گئی گھڑیوں کی تصاویر میں ان کے ایک گول کی تصویر بھی بنی ہوئی تھی۔

غیرملکی میڈیا کے مطابق گھڑی میں کرسٹیانو رونالڈو کو ریال میڈرڈ کی طرف سے کھیلتے اور مانچسٹر یونائیٹڈ کے خلاف گول کرتے دکھایا گیا ہے۔

واضح رہے کہ گزشتہ روز مانچسٹر یونائیٹڈ نے رونالڈو کی کلب کے لیے خدمات کو سراہا ، دوسری جانب رونالڈو نے مانچسٹر یونائیٹڈ کے لیے نیک خواہشات کا اعلان کیا تھا۔

بشکریہ جنگ