کرسٹیانو رونالڈو پرتگال کے مہنگے ترین گھر کے مالک بن گئے

پرتگالی فٹبالر کرسٹیانو رونالڈو نے پرتگال کی سب سے مہنگی رہائشگاہ خرید لی۔

غیر ملکی میڈیا رپورٹس کے مطابق اسٹار فٹبالر کرسٹیانو رونالڈو نے 18 ملین پاؤنڈ میں پرتگال کا مہنگاترین گھر خرید لیا جس کے بعد ان کے اسپورٹنگ لزبن فٹ بال کلب میں واپسی کی افواہیں گردش کرنے لگیں۔

میڈیا رپورٹس کے مطابق فٹ بالر کا پرتگال میں رہائش گاہ خریدنا اس بات کی نشاندہی کرتا ہے کہ وہ جلد پرتگال لوٹ رہے ہیں اور یہیں سے مستقبل میں فٹ بال کھیلیں گے۔

رونالڈو کی نئی رہائش گاہ پرتگال کے علاقے کاسکیس میں واقع ان کے گھر کا رقبہ 2,720 مربع میٹر ہے جو کہ تین منزلوں پر مشتمل ہے۔

اس میں 544 مربع میٹر کا بیرونی رقبہ بھی ہے جس میں مختلف باغات اور ایک بڑا سوئمنگ پول ہے۔

امید کی جارہی ہے کہ 2023 تک گھر کی تزین و آرائش کا کام مکمل ہوجائے گا۔

بشکریہ جنگ