کراچی: 4 ڈاکوؤں کا لوٹنے سے پہلے شہری پر تشدد، ویڈیو سامنے آگئی
کراچی کی بھینس کالونی میں ڈکیتی کی واردات کے دوران 4 ملزمان نے شہری کا پیچھا کر کے اسے تشدد کا نشانہ بنایا اور لوٹ لیا۔
واردات کی سی سی ٹی وی فوٹیج میں شہری کو گلی سے گزرتے دیکھا جا سکتا ہے ۔
تعاقب میں آنے والے ایک موٹر سائیکل پر سوار 2 ملزمان نے شہری کو اسلحے کے زور پر روکا۔
ایک ملزم نے اترتے ہی شہری کو تشدد کا نشانہ بنانا شروع کر دیا، اسی دوران پیچھے سے ملزمان کے 2 مزید ساتھی آ پہنچے۔
ملزمان ڈکیتی میں مزاحمت پر شہری کو بدترین تشدد کا نشانہ بناتے رہے، جبکہ واردات کے وقت گلی میں موجود شہری تماشہ دیکھتے رہے۔
ملزمان نے شہری کو مار پیٹ کر کے موبائل فون اور نقدی لوٹ لی اور فرار ہو گئے۔
بشکریہ جنگ
Comments are closed.