کراچی: 4 سے11جولائی کی بارشوں میں 24 افراد جاں بحق، پولیس

کراچی میں 4 سے 11 جولائی تک کی بارشوں کے دوران 24 افراد جاں بحق ہوئے۔

کراچی پولیس کے اعداد و شمار کے مطابق بارش میں کرنٹ لگنے سے 15 اور دیگر واقعات میں بچوں سمیت 9 افراد نے جان کی بازی ہاری۔

پولیس حکام کے مطابق کرنٹ لگنے سے ہوئی اموات کے واقعات بہادر آباد، گارڈن، نیو کراچی صنعتی ایریا، درخشاں اور سہراب گوٹھ میں پیش آئے۔

پولیس کے مطابق ڈوبنے سے اموات کے واقعات ملیر، لیاقت آباد، سہراب گوٹھ، گڈاپ، بلوچ کالونی اور دنبہ گوٹھ میں رونما ہوئے۔

پولیس حکام کے مطابق بارش کے دوران دیوار اور چھت گرنے کے واقعات نیو کراچی، گلبرگ اور چمڑا چورنگی میں پیش آئے۔

بشکریہ جنگ