کراچی یونیورسٹی دھماکے کے بعد پیش آنے والے واقعات قابلِ مذمت ہیں، ثناء اللّٰہ بلوچ

بلوچستان نیشنل پارٹی (بی این پی) کے رہنما ثناء اللّٰہ بلوچ نے کہا ہے کہ  کراچی یونیورسٹی دھماکے کے بعد پیش آنے والے واقعات قابلِ مذمت ہیں۔

بلوچستان اسمبلی اجلاس کے دوران نقطہ اعتراض پر اظہارِ خیال کرتے ہوئے ثناء اللّٰہ بلوچ کا کہنا تھا کہ پُرامن بلدیاتی انتخابات کے انعقاد پر تمام اراکین کو مبارکباد دیتا ہوں۔

انہوں نے کہا کہ حال ہی میں بلوچستان میں ایک ناکام تحریک عدم اعتماد آئی، صوبے میں لاپتا افراد کا مسئلہ ابھی تک برقرار ہے۔

ثناء اللّٰہ بلوچ نے کراچی یونیورسٹی دھماکے کے بعد پیش آنے والے واقعات کو  قابلِ مذمت قرار دیا، ان کا کہنا تھا کہ تربت میں خاتون کی گرفتاری پر صوبائی حکومت نے کوئی اقدام نہیں کیا۔

ڈیرہ بگٹی میں ہیضے کی وبا کے پھیلاؤ پر بات کرتے ہوئے ثناء اللّٰہ بلوچ کا کہنا تھا کہ ڈیرہ بگٹی میں ہیضے کی وبا کے دوران صوبائی حکومت نے غفلت کی۔ 

بشکریہ جنگ