کراچی: ہل پارک کے قریب درخت پر لٹکی لاش برآمد

کراچی کے شہید ملت روڈ ہل پارک کے قریب ایک شخص کی درخت سے لٹکی لاش ملی ہے، جس کی شناخت 58 سال کے شریف مسیح کے نام سے ہوئی ہے۔

پولیس کا کہنا ہے کہ کئی گھنٹے بعد بھی ورثاء سامنے نہیں آسکے۔ ابتدائی طور پر واقعہ خودکشی لگتا ہے، لاش جناح اسپتال منتقل کردی گئی۔

پولیس نے مزید بتایا کہ لاش پودوں کی نرسری میں درخت سے لٹکی ہوئی ملی تھی۔ کرائم سین یونٹ نے جائے وقوعہ سے شواہد اکھٹے کر کے رپورٹ مرتب کرلی۔

بشکریہ جنگ