کراچی کے واقعات پر چیف الیکشن کمشنر کا نوٹس

سندھ کے صوبائی الیکشن کمشنر نے کہا ہے کہ چیف الیکشن کمشنر نے کراچی میں پیش آنے والے واقعات کا نوٹس لے لیا ہے۔ 

ایک بیان میں صوبائی الیکشن کمشنر اعجاز انور چوہان نے کہا ہے کہ جو واقعات پیش آئے ان کی رپورٹ چیف الیکشن کمشنر کو پیش کی جائے گی۔

انہوں نے کہا کہ پولنگ اسٹیشن 51 پر واقعہ پیش آیا۔ امیدواروں سے کہتا ہوں کہ جو بھی ملوث پایا گیا اس کے خلاف ایکشن ہوگا۔ 

صوبائی الیکشن کمشنر نے مزید کہا کہ ہر پولنگ اسٹیشن پر پولیس اہلکار موجود تھے۔ یہ بھی دیکھا جائے گا کہ پولیس نے کب ایکشن لیا۔

بشکریہ جنگ