کراچی کے مختلف علاقوں میں بجلی کی طویل لوڈشیڈنگ جاری

کراچی کے مختلف علاقوں میں طویل دورانیے کی بجلی کی لوڈشیڈنگ جاری ہے۔

گارڈن ویسٹ کے مکینوں کا کہنا ہے کہ ہر گھنٹے بعد 2 گھنٹے کی لوڈشیڈنگ  کی جارہی ہے۔

لیاقت آباد سی ون ایریا میں صبح 6 بجے سے بجلی کی فراہمی بند ہے اور ایک علاقہ مکین کا کہنا ہے کہ سی ون ایریا میں لوڈشیڈنگ 12 گھنٹے سے بڑھ گئی  ہے۔

ابوالحسن اصفہانی روڈ کے علاقہ مکین کا بتانا ہے کہ 10 گھنٹے سے زائد کی لوڈشیڈنگ ہو رہی ہے۔

ناظم آباد، اورنگی ٹاؤن، کورنگی اور باغ کورنگی میں بھی طویل دورانیے کی لوڈشیڈنگ کی جارہی ہے جس سے علاقہ مکینوں کو سخت پریشانی کا سامنا ہے۔

علاوہ ازیں گلستانِ جوہر بلاک 8 میں 10 گھنٹے اور اسکیم 33 کی مختلف سوسائٹیز میں بھی 10گھنٹے بجلی بند کی جا رہی ہے۔

کیماڑی بھٹہ ویلج کے علاقہ مکین کے مطابق 12 گھنٹے کی لوڈشیڈنگ کی جا رہی ہے۔

بشکریہ جنگ