بدھ 18؍جمادی الثانی 1444ھ11؍جنوری 2023ء

کراچی کی سیاست میں بڑا بریک تھرو، ایم کیو ایم دھڑوں کے کل یکجا ہونے کا امکان، ذرائع

کراچی کی سیاست میں بڑا بریک تھرو ہوگیا، ایم کیوا یم دھڑوں کے کل یکجا ہونے کا امکان ہے۔

ذرائع کا کہنا ہے کہ پاک سرزمین پارٹی (پی ایس پی) اور تنظیم بحالی کمیٹی کی قیادت کل ایم کیو ایم پاکستان کے مرکز بہادر آباد جائے گی۔

ذرائع کا کہنا ہے کہ ایم کیو ایم قیادت پی ایس پی اور تنظیم بحالی کمیٹی کے اراکین کا استقبال کرے گی۔

ایم کیو ایم ذرائع کا کہنا ہے کہ مصطفیٰ کمال، انیس قائمخانی کل کارکنان کے ہمراہ بہادرآباد آئیں گے، فاروق ستار بھی کارکنوں کے ہمراہ کل بہادرآباد آئیں گے۔

ذرائع  کا کہنا ہے کہ مصطفیٰ کمال، فاروق ستار خالد مقبول صدیقی کے ہمراہ بہادرآباد میں پریس کانفرنس کریں گے۔

ذرائع کا کہنا ہے کہ مصطفیٰ کمال پریس کانفرنس میں ایم کیو ایم میں شمولیت کا اعلان کریں گے، پریس کانفرنس میں فاروق ستار بھی ساتھیوں کے ہمراہ ایم کیو ایم میں شمولیت کا اعلان کریں گے۔

بشکریہ جنگ
You might also like

Comments are closed.