کراچی کیلئے یہ جیت بہت ضروری تھی، شاہد آفریدی

سابق کپتان قومی کرکٹ ٹیم شاہد آفریدی نے ایچ بی ایل پی ایس ایل 8 میں کراچی کنگز کی جیت پر کہا ہے کہ کراچی کے لیے یہ جیت بہت ضروری تھی۔ 

کراچی میں میڈیا سے گفتگو کرتے ہوئے شاہد آفریدی کا کہنا تھا کہ کراچی کنگز کی ٹیم اچھا میچ جیتی ہے۔ 

انہوں نے یہ بھی کہا کہ پی ایس ایل 8 میں کراچی کنگز کو رہنا چاہیے۔

نوجوان کھلاڑیوں کی کارکردگی سے متعلق شاہد آفریدی کا کہنا تھا کہ ابھی ٹورنامنٹ ہونے دیں، پھر سب کی کارکردگی دیکھیں گے۔

سابق اسٹار آل راؤنڈر نے کہا کہ ایک میچ پر کسی نوجوان کو نہ چڑھایا کریں۔ توقعات کا پریشر آجاتا ہے، ابھی کھیلنے دیں۔

واضح رہے کہ کراچی کنگز نے ابتدائی 3 میچز میں شکست کے بعد ایچ بی ایل پی ایس ایل 8 میں پہلی کامیابی حاصل کرلی۔

کراچی کنگز نے ایونٹ کے آٹھویں میچ میں لاہور قلندرز کو 67 رنز کے بھاری مارجن سے شکست دی۔

بشکریہ جنگ