کراچی: کیا نسلہ ٹاور کنٹرول بلاسٹنگ کے ذریعے مسمار کیا جاسکتا ہے؟

کیا نسلہ ٹاور کنٹرول بلاسٹنگ کے ذریعے مسمار کیا جاسکتا ہے؟ اس حوالے سے ٹیکنالوجی کے بارے میں تعمیراتی ماہر ڈاکٹر رافع صدیقی نے  جیونیوز سے گفتگو کی ہے۔

ڈاکٹر رافع صدیقی نے کہا کہ اس ٹیکنالوجی کو کنڑولڈ ڈیمولیشن یا امپلوشن کہتے ہیں، دھماکا خیر مواد کو بیم، پلرز اور سلیب کے ساتھ نصب کیا جاتا ہے۔

سپریم کورٹ نے ایک ہفتے میں نسلہ ٹاورکی عمارت کنٹرولڈ ایمونیشن بلاسٹ سے گرانے کا حکم دے دیا۔

انہوں نے کہا کہ دھماکا خیر مواد ترتیب کے ساتھ پھاڑا جاتا ہے، بلڈنگ کو ایکسپلوڈ نہیں امپلوڈ کیا جاتا ہے، امپلوڈ سے بلڈنگ سیدھے نیچے آتی ہے۔

ڈاکٹر رافع صدیقی نے کہا کہ امپلوڈنگ کرتے وقت شاور آس پاس لگائے جاتے ہیں، یہ سہولت پاکستان میں موجود نہیں ہے۔

عدالتِ عظمیٰ کے حکم کے بعد نسلہ ٹاور کو کنٹرول بلاسٹنگ سے گرانے کیلئے فرنٹیئر ورکس آرگنائزیشن (ایف ڈبلیو او) سے رابطہ کرنے پر مشاورت کی جارہی ہے۔

ڈاکٹر رافع صدیقی نے کہا کہ پاکستان کا واحد ادارہ جس کے پاس دھماکا کرنے کا تجربہ ہے وہ بھی اربن ایریا کا نہیں ہے، نسلہ ٹاور کو مسمار کرنے کے لئے باہر سے مدد لینا پڑ سکتی ہے۔

بشکریہ جنگ