کراچی کنگز کو ملتان کیخلاف میچ سے قبل بڑا دھچکا

پاکستان سپر لیگ (پی ایس ایل ) کے سیزن 8 میں ملتان سلطانز سے ہونے والے میچ سے قبل کراچی کنگز کو بڑا دھچکا لگ گیا۔

کراچی کنگز کے فاسٹ بولر محمد عامر ملتان سلطانز کے خلاف میچ نہیں کھیلیں گے۔

محمد عامر گروئن انجری کا شکار ہیں، وہ کراچی کنگز کے ساتھ ملتان کا سفر نہیں کریں گے۔

کراچی کنگز کے کپتان عماد وسیم کو آل راؤنڈ پرفارمنس پر میچ کا بہترین کھلاڑی قرار دیا گیا۔

فاسٹ بولر محمد عامر کا ری ہیب کراچی میں ہی جاری رہے گا۔

کراچی کنگز انتظامیہ اتوار کے میچ میں محمد عامر کی دستیابی کے لیے پرامید ہے۔

واضح رہے کہ ایچ بی ایل پی ایس ایل میں 8 کے آٹھویں میچ میں کراچی کنگز نے لاہور قلندرز کو 67 رنز سے شکست دی تھی، ایونٹ میں کراچی کنگز کو پہلی کامیابی حاصل ہوئی ہے۔

بشکریہ جنگ