کراچی: کسٹمز کی کارروائی، 7 کروڑ کا سامان برآمد
پاکستان کسٹم انفورسمنٹ کلیکٹریٹ کراچی کے اینٹی اسمگلنگ اسکواڈ کے عملے نے اولڈ سٹی ایریا کے علاقے میٹھادر اور شاہراہ لیاقت پر کارروائی کرتے ہوئے 7 کروڑ روپے مالیت کا اسمگل شدہ سامان ضبط کر لیا۔
ترجمان پاکستان کسٹمز کے مطابق ٹیم نے میٹھادر کے علاقے میں گودام پر چھاپہ مارا۔
کارروائی کئی گھنٹے تک جاری رہی جس میں 7 کروڑ روپے مالیت کی اسمگل شدہ اشیاء ضبط کی گئیں۔
برآمد ہونے والے سامان میں غیر ملکی سگریٹس، انڈین گٹکا اور فلیورڈ تمباکو شامل ہیں۔
ترجمان کے مطابق ضبط شدہ سامان کسٹمز کے اینٹی اسمگلنگ اسکواڈ سیل منتقل کر دیا گیا ہے۔
ملزمان کے خلاف کسٹمز ایکٹ کے تحت مقدمہ درج کر لیا گیا ہے اور قانونی کارروائی کی جا رہی ہے۔
بشکریہ جنگ
Comments are closed.