کراچی: ڈکیتی میں مزاحمت پر نوجوان ہلاک، مقابلے میں 2 ڈاکو مارے گئے

کراچی کے علاقے منگھو پیر میں ڈکیتی کے دوران مزاحمت پر ملزمان کی فائرنگ سے نوجوان ہلاک ہوگیا جبکہ مقابلے میں 2 ڈاکو مارے گئے۔

کراچی کے علاقے منگھو پیر میں  فائرنگ سے نوجوان زخمی ہو گیا تھا، پولیس کے مطابق نوجوان کی شناخت 25 سال کے ابوالحسن کے نام سے ہوئی۔

واقعہ ڈکیتی میں مزاحمت کے دوارن پیش آیا، زخمی نوجوان دوران علاج اسپتال میں دم توڑ دیا۔

واقعہ کی اطلاع پر پولیس موقع پر پہچی اور ملزمان کا پیچھا کیا، ڈاکوؤں نے جنگل میں چھپ کر پولیس پارٹی پر فائرنگ کی۔

پولیس کی فائرنگ سے ایک ڈاکو ہلاک ہوگیا ہے جبکہ دوسرا جنگل میں چھپ گیا، پولیس کی نفری نے ڈاکو کی تلاش جاری رکھی اور بعد میں وہ بھی مارا گیا۔

بشکریہ جنگ