کراچی پولیس چیف کا سیکیورٹی انتظامات کا جائزہ

کراچی پولیس چیف جاوید عالم اوڈھو نے سولجر بازار تھانے میں قائم کنٹرول روم کا دورہ کرتے ہوئے سی سی ٹی وی کیمروں کا جائزہ لیا۔

ترجمان کراچی پولیس کے مطابق ایڈیشنل آئی جی نے کنٹرول روم میں کراچی کمیونٹی پولیس کے تعاون سے نصب کیے گئے سی سی ٹی وی کیمروں کا جائزہ لیا۔

پولیس چیف نے نشتر پارک اور نمائش چورنگی پر علی رضا امام بارگاہ کا دورہ بھی کیا اور امام بارگاہوں کے منتظمین سے سیکیورٹی کے امور پر بات چیت کی۔

جاوید عالم اوڈھو نے سیکیورٹی پر مامور پولیس افسران اور اہلکاروں کو مشکوک سرگرمیوں پر نظر رکھنے کی ہدایت کی۔

اس موقع پر انہوں نے کہا کہ عوام کے جان و مال کے تحفظ میں کوئی غفلت برداشت نہیں کی جائیگی۔

بشکریہ جنگ