کراچی پولیس آفس حملے کا ایک اور زخمی اہلکار دم توڑ گیا
کراچی پولیس آفس (کے پی او) پر حملے میں زخمی ہونے والا ایک اور پولیس اہلکار آج دم توڑ گیا۔
پولیس کے مطابق زخموں کی تاب نہ لاتے ہوئے شہید ہونے والا اہلکار عبداللطیف سیکیورٹی ڈویژن میں تعینات تھا۔
عبداللطیف کے انتقال کے بعد کراچی پولیس آفس پر حملے میں شہادتوں کی تعداد 5 ہو گئی ہے۔
واضح رہے کہ جمعہ17 فروری کی شب کراچی پولیس ہیڈ آفس پر ہونے والے حملے میں تمام دہشت گرد مارے گئے تھے جبکہ پولیس اور رینجرز اہلکار سمیت 4 افراد شہید اور 18افراد زخمی ہوئےتھے۔
کراچی پولیس آفس (کے پی او) پر دہشت گردوں کے حملے کے بعد قانون نافذ کرنے والوں کے جوابی ایکشن کے دوران 1 دہشت گرد عمارت کی چوتھی منزل پر جبکہ 2 چھت پر مارے گئے۔
حملے میں 2 پولیس اور 1 رینجرز اہل کار شہید ہوئے جبکہ چوتھا مقتول سینیٹری ورکر تھا، پانچویں زخمی اہلکار نے آج دورانِ علاج زخموں کی تاب نہ لاتے ہوئے دم توڑا ہے۔
Comments are closed.