کراچی: ٹریفک اہلکار سے اسلحہ چھیننے کا الزام، نوجوان کے خلاف مقدمہ درج

کراچی کے علاقے قائدآباد میں ٹریفک اہلکار سے بدتمیزی کرنے والے نوجوان شہری کے خلاف ٹریفک پولیس اہلکاروں نے مقدمہ درج کرا دیا۔

ٹریفک پولیس نے الزام لگایا ہے کہ نوجوان نے اہلکاروں سے اسلحہ چھیننے کی کوشش کی۔

ڈی آئی جی ٹریفک کا کہنا ہے کہ چیکنگ کے دوران موٹرسائیکل سوار کو روکا تو اس نے بدتمیزی کی۔

انہوں نے کہا کہ موٹرسائیکل سوار نے اہلکار سے سرکاری ایس ایم جی  رائفل چھیننے کی کوشش کی۔

ڈی آئی جی کا کہنا تھا کہ موقع پر موجود اہلکاروں نے نوجوان کو پکڑ کر چوکی منتقل کیا۔

موٹرسائیکل سوار کے خلاف قائدآباد تھانے میں مقدمہ درج کرا دیا گیا ہے، اس کی چوکی میں بیٹھنے کی ویڈیو بھی سامنے آگئی ہے۔

بشکریہ جنگ