کراچی میں 29 مارچ سے بارش کا امکان

کراچی میں 29 مارچ کی شام یا رات سے 30 مارچ کے دوران بارش کا امکان ہے۔

موسمیاتی تجزیہ کار جواد میمن نے کہا کہ سسٹم کے زیر اثر کہیں معتدل اور کہیں ہلکی بارش کا امکان ہے۔

جواد میمن نے کہا کہ کراچی کے مضافات میں اس سسٹم کے زیر اثر ژالہ باری بھی ہو سکتی ہے۔

ان کا کہنا ہے کہ کراچی میں سمندری ہواؤں کی رفتار کم ہے، آج دن کا درجہ حرارت 32 سے 34 ڈگری سینٹی گریڈ تک پہنچنے کا امکان ہے۔

انہوں نے کہا کہ مغربی ہواؤں کے سلسلے کے باعث کراچی میں ہواؤں کا رخ مغرب اور شمال مشرق رہ سکتا ہے، ہواؤں کا سلسلہ 28 مارچ سے ملک پر اثر انداز ہو سکتا ہے۔

جواد میمن کا کہنا ہے کہ سسٹم کے زیر اثر 2 اپریل تک ملک کے بیشتر مقامات پر بارش اور بالائی علاقوں میں برفباری متوقع ہے۔

بشکریہ جنگ