کراچی میں ویک اینڈ کی رات اسٹریٹ کرمنلز کا راج

کراچی میں ویک اینڈ کی رات اسٹریٹ کرمنلز کے ہاتھ کھل گئے، مختلف علاقوں میں لوٹ مار جاری رہی جبکہ فائرنگ سے خاتون سمیت 3 افراد زخمی ہوگئے۔

ملیر کینٹ چیک پوسٹ 6 کے قریب ملزمان نے 2 دکانوں کو لوٹ لیا۔ 4 ملزمان دکان کے اندر اور 2 باہر پہرا دیتے رہے۔ ملزمان چند منٹوں میں 10 لاکھ روپے کیش لوٹ کر فرار ہوگئے۔

ایک واردات کے دوران شاہراہ نور جہاں پر ڈاکو موبائل فون چھین کر فرار ہونے لگے تو موٹرسائیکل پر بیٹھے ایک نوجوان نے چھلانگ مار کر ڈاکو کو دبوچ لیا جسے گشت پر مامور پولیس نے گرفتار کر کے مقدمہ درج کرلیا۔

ویک اینڈ کی رات لانڈھی مانسہرہ کالونی اور گلشن اقبال بلاک 10 میں ڈکیتی مزاحمت پر 2 افراد جبکہ گلشن اقبال میں فائرنگ سے ایک شخص زخمی ہوگیا۔

علاوہ ازیں لیاقت آباد نمبر 10 میں کار پر فائرنگ سے 35 سالہ عمران ہارون کے قتل پر پولیس نے ٹارگٹ کلنگ کا شبہہ ظاہر کیا ہے۔

بشکریہ جنگ