کراچی میں بلدیاتی انتخابات، 6 اداروں سے رپورٹ لینے کی ہدایت
چیف الیکشن کمشنر سکندر سلطان راجہ نے سیکریٹری الیکشن کمیشن کو کراچی میں بلدیاتی انتخابات کرانے سے متعلق 6 اہم اداروں سے فوری رپورٹ لینے کی ہدایت کر دی۔
کراچی میں بلدیاتی انتخابات کرانے سے متعلق الیکشن کمیشن کی جانب اہم اجلاس منعقد کیا گیا ہے جس کی چیف الیکشن کمشنر سکندر سلطان راجہ نے صدارت کی۔
ذرائع کے مطابق اجلاس میں سیکریٹری الیکشن کمیشن کو سیکریٹری داخلہ، چیف سیکریٹری سندھ، آئی جی سندھ، ڈی جی رینجرز، صوبائی الیکشن کمشنر اور محمکۂ موسمیات سے رپورٹ لینے کی ہدایت جاری کی گئی ہے۔
ذرئع کا کہنا ہے کہ اجلاس کے دوران محمکہ موسمیات سے موسم کی صورتحال سے متعلق رپورٹ مانگی گئی ہے۔
ذرائع کے مطابق پاک فوج، رینجرز، پولیس و دیگر ادارے دیہی سندھ میں امدادی کاموں میں مصروف ہیں، پولنگ سے سیلاب متاثرہ علاقوں میں امدادی کام کتنا متاثر ہوں گے، اس سے متعلق بھی سیکیورٹی اداروں سے رپورٹ طلب کی گئی ہے۔
الیکشن کمیشن کا اجلاس دوبارہ کچھ دیر بعد شروع ہو گا۔
واضح رہے کہ اس سے قبل کراچی میں گزشتہ ماہ 24 جولائی کو ہونے والے بلدیاتی انتخابات بارشوں کے سبب ملتوی کر دیے گئے تھے۔
دوسری جانب الیکشن کمیشن نے حیدرآباد کے 9 اضلاع میں بارشوں اور سیلابی صورتحال کے پیش نظر بلدیاتی الیکشن کے دوسرے مرحلے کے تحت 28 اگست کو ہونے والی پولنگ منسوخ کر دی ہے۔
Comments are closed.