کراچی میں بلدیاتی انتخابات، ایس ایس پی ایسٹ کا اجلاس

کراچی میں بلدیاتی انتخابات کے حوالے سے ایس ایس پی ایسٹ عبدالرحیم شیرازی نے صبح سویرے اجلاس کیا۔

ایس ایس پی ایسٹ نے تمام ایس پیز، ڈی ایس پیز اور ایس ایچ اوز کو الیکشن کے حوالے سے بریفنگ دی۔

ایس ایس پی ایسٹ عبدالرحیم شیرازی نے گورنمنٹ اسلامیہ وومن کالج کا دورہ بھی کیا۔

انہوں نے نیو پریڈی اسٹریٹ پر پارکنگ پلازا کے قریب پولنگ کا معائنہ کیا۔

علاوہ ازیں ضلع ملیر میں صبح سویرے سیکیورٹی اہلکاروں کو ناشتہ بھی فراہم کیا گیا۔

ایس ایس پی ملیر عرفان بہادر نے بتایا کہ ملیر کے تمام پولنگ اسٹیشنوں پر تعینات پولیس اہلکاروں کو ناشتہ کرا دیا گیا ہے۔

ڈیوٹی پر موجود تمام پولیس اہلکاروں کو گرما گرم چائے بھی پیش کی گئی۔

ملیر کے حساس ترین پولنگ اسٹیشنوں پر رینجرز اور ایف سی کی نفری بھی تعینات ہے۔

حساس ترین پولنگ سٹیشن نمبر 8 جبکہ حساس پر 4 پولیس اہلکار تعینات

بشکریہ جنگ