کراچی: منوڑا کے قریب عجیب و غریب مردہ مچھلی دریافت

کراچی میں منوڑا کے ساحل کے قریب عجیب و غریب قسم اور نسل کی مردہ مچھلی ماہی گیروں کے ہاتھ لگی ہے۔

فشری ذرائع کے مطابق کراچی میں ماہی گیروں کی جانب سے پہنچائی گئی یہ مردہ مچھلی 30 فٹ لمبی اور 8 فٹ چوڑی ہے۔

ماہی گیری حسن جان کو یہ مچھلی منوڑہ کے ساحل کے قریب مردہ حالت میں تیرتی ہوئی ملی۔

مغربی بنگال میں 5 ماہی گیروں کی ٹیم نے 7 فٹ لمبی مچھلی پکڑلی جس کا وزن تقریباً 78 کلو تھا جبکہ مالیت 80 لاکھ روپے ہے۔

فشری کے سیکیورٹی انچارج ناصر بونیری کے مطابق ملنے والی یہ مچھلی وصر نسل کی بتائی جا رہی ہے۔

فشری ذرائع کا کہنا ہے کہ یہ مچھلی ممکنہ طور پر کسی بحری جہاز سے ٹکرا کر ہلاک ہوئی ہے۔

ماہی گیر حسن جان مچھلی کو اپنی لانچ کے ساتھ باندھ کر فشری جیٹی لے آیا۔

لانچ سے بندھی سمندر میں تیرتی اس مچھلی کو نکالنے کے لیے انتظامیہ کی جانب سے کرینیں طلب کی گئی ہیں۔

بشکریہ جنگ