کراچی: قیمتی کار میں سوار چور گاڑیوں سے سامان چوری کرنے لگے، ویڈیو آ گئی

کراچی کے علاقے ڈیفنس میں قیمتی گاڑیوں سے سامان چوری کرنے والا کار سواروں کا گروہ سرگرم ہو گیا۔

ڈیفنس میں بخاری کمرشل اسٹریٹ پر گاڑی سے سامان چوری کرنے کی CCTV فوٹیج سامنے آ گئی۔

سی سی ٹی وی فوٹیج میں سامنے آئی واردات دن دہاڑے مرکزی شاہراہ پر ہوئی۔

وارداتوں میں ملوث 2 رکنی گروہ بھی کارروائی کے لیے قیمتی گاڑی میں آتا ہے۔

سی سی ٹی وی فوٹیج کے مطابق 2 ملزمان میں سے ایک بڑی مہارت سے ویگو گاڑی کا شیشہ توڑ دیتا ہے۔

ملزم ویگو گاڑی میں گھس کر 30 سیکنڈ میں ڈیش بورڈ کا قیمتی سامان چوری کرتا ہے، واردات کے دوران ایک ملزم کار کا گیٹ کھول کر کھڑا نگرانی کرتا رہتا ہے۔

سی سی ٹی وی فوٹیج میں باخوبی دیکھا جا سکتا ہے کہ قیمتی گاڑی کا چوری شدہ سامان کپڑے میں لپیٹ کر ملزمان چند منٹ میں فرار ہو جاتے ہیں۔

ڈیفنس اور کلفٹن میں یومیہ بنیادوں پر ایسی درجنوں وارداتیں ہو رہی ہیں۔

بشکریہ جنگ