کراچی سے ٹرینوں کی آمد و رفت میں طوفانی بارش کے سبب تاخیر

ریلوے کے ترجمان کا کہنا ہے کہ کراچی سے ٹرینوں کی آمد و رفت میں طوفانی بارش کے سبب تاخیر ہو رہی ہے۔ 

ترجمان ریلوے نے کراچی سے ٹرینوں کی روانگی کے موجودہ اوقات سے بھی آگاہ کیا ہے۔

ریلوے کے ترجمان کے مطابق آج پاکستان ایکسپریس دن 1:00 بجے کے بجائے رات 9:00 بجے، علامہ اقبال ایکسپریس دوپہر 2:00 بجے کے بجائے رات 11:00 بجے روانہ ہو گی۔

ترجمان ریلوے نے یہ بھی بتایا ہے کہ قراقرم ایکسپریس دوپہر 3:30 کے بجائے شام 6:00 بجے، جبکہ تیزگام ایکسپرس شام 5:30 بجے کے بجائے رات 1:30 بجے روانہ ہو گی۔

بشکریہ جنگ