کراچی سے لاہور جانے والے لیگی کارکن کا ٹرین میں انتقال

کراچی سے جانے والے ٹرین کے کاررواں نواز شریف میں ایک کارکن کا انتقال ہوگیا۔

لیگی رہنما محمد زبیر کے مطابق متوفی کارکن کی شناخت 60 سالہ کرامت کے نام سے کی گئی ہے۔

محمد زبیر کا کہنا ہے کہ کارکن محراب پور جنکشن کے قریب ٹرین میں اچانک طبعیت بگڑنے کے باعث انتقال کرگیا۔

متوفی کرامت شہباز گوٹھ سپر ہائی وے کراچی کا رہائشی تھا، متوفی کی لاش ایمبولینس کے ذریعے کراچی روانہ کی جارہی ہے۔

واضح رہے کہ پاکستان مسلم لیگ ن کے قائد اور سابق وزیراعظم نواز شریف آج وطن واپس آئیں گے اور لاہور میں جلسہ عام سے خطاب بھی کریں گے۔

بشکریہ جنگ