کراچی: سیلاب متاثرہ بچی سے زیادتی کے 2 ملزمان گرفتار

کراچی کےعلاقے کلفٹن میں بچی سے زیادتی کے دونوں ملزمان کو گرفتار کرلیا گیا، پولیس نے ایک ملزم کو کراچی اور دوسرے کو ٹنڈوالہ یار سے گرفتار کیا ہے۔

صوبائی وزیر اطلاعات شرجیل میمن نے بھی ملزمان کی گرفتاری کی تصدیق کر دی ہے۔

کراچی میں سیلاب متاثرہ بچی سے مبینہ زیادتی کے الزام میں زیر حراست 5 افراد کے ڈی این اے کے نمونے لیب بھجوا دیے گئے ہیں، بچی کو آخری بار دیکھنے والے چوکیدار کا بیان بھی ریکارڈ کرلیا گیا۔

پولیس کےمطابق ملزم کی گرفتاری سی سی ٹی وی ویڈیو کی مدد سے کی گئی۔

واضح رہے کہ بچی کو دو روز پہلے زیادتی کا نشانہ بنایا گیا تھا، 10 سال کی بچی کا خاندان سیلاب کے باعث سندھ کے ضلع شکارپور سے کراچی آیا تھا۔

بشکریہ جنگ