کراچی: راشد منہاس روڈ پر شاپنگ مال میں آتشزدگی کی ویڈیو سامنے آ گئی

کراچی میں راشد منہاس روڈ پر مال میں آگ چوتھی منزل پر قائم فوڈ کورٹ میں لگی تھی، جس کی ویڈیو سامنے آگئی ہے۔

آگ چوتھی منزل کے فوڈ کورٹ میں شام 6 بج کر 12 منٹ پر لگی تھی جبکہ 6 بج کر 17 منٹ پر چوتھی منزل پر لگی آگ میں شدت آ چکی تھی۔

ویڈیو میں دیکھا جا سکتا ہے کہ  6 بج کر 22 منٹ پر فوڈ کورٹ مکمل جل چکا تھا۔

تفتیشی حکام کا کہنا ہے کہ گلشن اقبال فائر اسٹیشن کو 6 بج کر 29 منٹ پر اطلاع دی گئی، فائر بریگیڈ ڈپارٹمنٹ کو آگ لگنے کی اطلاع بروقت نہیں دی گئی۔

حکام نے کہا کہ فائر بریگیڈ پہنچی تو تیسری اور چوتھی منزل پر آگ کی شدت بڑھ چکی تھی، مال میں آگ لگنے سے 11 افراد جاں بحق ہوئے تھے۔

بشکریہ جنگ